|
Toghadh na daoine seo a leanas ar Choiste Ceantair Sábáilteachta Uisce Mhuineacháin ag an gCruinniú Cinnbhliana a reachtáileadh ar an 12 Aibreán 2006: Cathaoirleach: Niall Ó Lamhna; Leaschathaoirleach: Sandra O’Toole; Rúnaí: Ann Marie Callan; Rúnaí na dTeastas: Kathleen O’Hanlon; Cisteoir: Séamus Finnan; Coiste: Peggy Taylor, Niall Neeson, Norman Griffin, Elaine Reilly, agus Margaret Cassidy.
Ba é €10,610.44 caiteachas na bliana do 2006 ar Shábháilteacht Uisce. Tugadh síntiús bliantúil de €2,400 do Shábháilteacht Uisce na hÉireann. Fuair Coiste Sábháilteachta Uisce Mhuineacháin deontas ó Sábháilteacht Uisce na hÉireann le húsáid do chúrsaí sábháilteachta uisce. Ar na foinsí ioncaim eile a bhí ag an gcoiste bhí gníomhaíochtaí bailithe airgid agus táillí ó dhaltaí a d’fhreastail ar chúrsaí sábháilteachta uisce.
 Thug an tOifigeach Forbartha Sábháilteachta Uisce cuairt ar Scoil Náisiúnta Naomh Louis, Muineachán i rith Seachtain Feasachta i mí Bhealtaine. I rith gach cuairt acu tugadh caint ghearr ar shábháilteacht uisce agus taispeántas ar bhaoi tarrthála.
Reachtáileadh Cúrsaí Sábháilteachta Uisce ar Locha Ard Mhic Nasca agus Abhainn Mhic Ailtín i Muinchille i mí Lúnasa. Is iad Josephine O’Rourke agus Mairead McCorry a bhí mar mhúinteoirí. Reachtáileadh ranganna Sábháilteachta Uisce in Ionad Foillíochta Mhuineacháin a osclaíodh le déanaí agus ranganna Snámha i linn snámha Ospidéal Naomh Damhnait ó mhí Deireadh Fómhair 2006.
Chuir an Chomhairle baoithe tarrthála ar fáil agus rinne iad a chothabháil ag na hionaid seo a leanas i rith na bliana: Loch Ioma, Loch Mór, Loch Mhic Nasca, Loch Mhucnú, Loch Craoibhe, Loch Ghréach Luain, Mórloch, Cladach na mBard, Loch an Mheitheáin, Abhainn Mhic Ailtín, Loch Eanach Mhic Dheirg agus Loch Ghort an Mhuine.
|
