|
Earcaíocht
Fostaíonn Comhairle Chontae Mhuineacháin tuairim is ceithre chéad agus seachtó cúig ball foirne. Léirítear ilfheidhmiú na heagraíochta ina lucht saothair lena n-áirítear lucht cléireachais/riaracháin, innealtóireachta, teicniúil, ceardaíochta, oibrithe ginearálta, leabharlannaithe, lucht múchta tine, srl. Is é atá mar chuspóir ag Bainistiú Acmhainní Daonna ná na daoine is fearr a mhealladh isteach san eagraíocht agus cuidiú leo lán a gcumas a bhaint amach le go bhféadfadh siad cur go hiomlán le mian na heagraíochta a cuspóirí agus a haidhmeanna a bhaint amach agus chun dul chun cinn gairme a éascú.
2006
- Socraíodh 41 bord agallaimh do roghnú foirne
- Ceapadh 25 ball foirne
- Fostaíodh 40 ball foirne ar chonarthaí gearrtéarmacha
- Tugadh ardú céime do 21 ball
- D’éirigh 17 ball foirne as an obair
- D’imigh 5 ball foirne ar scor
- Bhain 41 dalta tríú leibhéal leas as deis taithí oibre i rith an tsamhraidh
Tionscnaimh Cothromaíochta Oibre/Saoil
Ghlac foirne páirt i roinnt scéimeanna cothromaíochta oibre/saoil i rith na bliana
- Ghlac 22 ball foirne páirt sa scéim roinnte oibre
- Bhain 11 ball foirne úsáid as saoire téarma i rith an tsamhraidh
- Bhain 10 ball foirne úsáid as saoire tuismitheora
- Bhain 3 ball foirne úsáid as sosanna gairme
Oiliúint & Forbairt
Aithníonn Comhairle Chontae Mhuineacháin go bhfuil forbairt agus oiliúint atá sonraithe i gceart riachtanach chun cuidiú leis an bhfoireann ag gach leibhéal a gcuid oibre a dhéanamh ar bhealach éifeachtach agus proifisiúnta.
Déantar Anailís Riachtanais Oiliúna go bliantúil agus ag teacht le forfheidhmiú na gCóras Bainistíochta agus Forbartha Feidhmíochta (PMDS) chun plean oiliúna a chur le chéile. Leagtar béim ar oiliúint agus forbairt a nascadh le cuspóirí corparáideacha agus Pleananna Gnó.
Ba ionann caiteachas ar Oiliúint agus Forbairt mar chéatadán de chostais phárolla iomlána i 2006 agus 6.40%.
| I 2006 |
|
| Líon na gcursaí oiliúna |
249 |
| Líon na laethanta oiliúna |
1,435 |
| Lion na gcursaí inmheánach |
28 |
| Líon na gcursaí seachtrach |
221 |
Córas Bainistíochta agus Forbartha Feidhmíochta
Bhí cuid mhór de rolladh amach na gCóras Bainistíochta agus Forbartha Feidhmíochta laistigh d’Údaráis Áitiúla Mhuineacháin tugtha chun críche i 2006 le súil le dáta deiridh críochnaithe don rolladh amach i Márta 2007.
Díríonn sé ar oiliúint a nascadh le riachtanais forbartha agus feidhmíochta foirne do chuspóirí eagraíochta agus foirne. Cé go mbeidh an chéad rolladh amach críochnaithe go luath i 2007, tá an próiseas leanúnach: leis an mbéim ar fheabhsuithe leanúnacha i seachadadh seirbhíse.
Scothsheirbhís ó Scothfhostaithe
Fuair Comhairle Chontae Mhuineacháin an duais seo don dara bliain as a chéile don Stiúrthóireacht Tithíochta, Gnóthaí Corparáideacha, Rannóg Bainistíochta Acmhainní Daonna agus Comhairle Baile Charraig Mhachaire Rois i 2005. Is Caighdeán Náisiúnta d’Fhorbairt Acmhainní Daonna í an duais Scothsheirbhís ó Scothfhostaithe. Is creidiúnú neamhspleách é a bhronnann FÁS ar eagraíochtaí mar aitheantas ar a dtiomantas d’Oiliúint agus Forbairt foirne.
 Gradaim Fadseirbhíse & Aitheantais Foirne
Cuireadh ceiliúradh mór ar siúl in Óstán Hillgrove ar an 3 Samhain 2007 chun onóir a thabhairt d’fhoireann a bhfuil 25 bliain seirbhíse comhlánaithe acu. Ghlac foirne as Comhairle Chontae Mhuineacháin agus na Comhairlí Cathrach páirt sa cheiliúradh. Bhronn Méara Chomhairle Chontae Mhuineacháin, Padraig McNally agus Declan Nelson, Bainisteoir Contae Mhuineacháin gradaim indibhidiúla ar gach ball foirne a bhfuil 25 bliain seirbhíse slánaithe acu. Mhol an Méara agus an Bainisteoir Contae díograis agus tiomantas na foirne atá mar sainmharc den tseirbhís phoiblí.
Bronnadh duais speisialta ar chomhraiceoirí dóiteáin a bhfuil seirbhís 10 mbliana curtha isteach acu. Mhol an Méara foireann na Seirbhíse Dóiteáin, ag labhairt faoin jab crua atá le déanamh acu i gcúinsí contúirteacha. |
